Grüß Gott bei ons em Kreiderzentrm Wasahof

– mit älle Senn erlebte Natur –

Des Kreiderzentrum isch a oimalige Mischong aus Naturerlebnis, Pflanzavielfalt on dem, was mr älles aus onsre Schätze macha ko – vom Kreider-el bis zom Massiera drmit – do derf mr mit a ma guada Gwissa oifach amole nix doa on sich oifach vrwehna lassa.

S Kreiderzentrum hot drei Doil

  • Dr Hof – d´Kreider obaua, ernda on älles megliche draus macha, drzua hen mr noch guada
    Staiobstwiesasaft, on no meh, muasch halt oifach amol reiguga.
  • Massage – do kosch de oifach falla on verwehna lassa
  • On d Schual – do kosch älles megliche iber onsre schene Pflenzla lerna, wia se fendsch, wann se hola sodsch on was draus macha kendsch.








Onser Tine hat emmer scho gern ond viel glernt. Se isch ärztlich geprüfte Aromapraktikerin, des hoißt se woiß wia mr de Leut mit de Kreiderdiftla helfa on se verwehna ko, se isch Hauswirtschaftsmeischdere on wois an Haufa ibers Essa (als BeKi-Fachfrau schafft se beim Minischderium fir Ernährong on Lendlicha Raum), on no lernt se de Leit scho seit iber 20 Johr was se älles so iber Kreider hend wissa wella on se held die Fäda von Wasahof en dr Hand.

Fenda deaner ons ogfär 50km nordeschdlich von Stuagert – bis Sulzbach/Murr missad dr uf dr B14 bleiba, no noch Murrad – on von dort aus, vorem Bohof hoch noch Grab. Zwischa Trauzabach on Frangaweiler god a klois Sträßle nieber uf d Hoha Brach – Mir sen em Wasaheisle (dia zwoi Heiser am Waldrand mit dr schena Aussicht iber onsern Naturpark)

Wenn dr no was wissa wellad no ruafad dr oifach o oder schreibat mr – i frei me druf!

Kräuterzentrum Wasenhof
ChrisTine Pommerer
Heidenbühlweg 11
71577 Großerlach – Wasenhaus
kraeuterzentrum-wasenhof@gmx.de
Tel 07192 207 69

Im Jahr 2006 wurde das Kräuterzentrum Wasenhof gefördert von:

Kräuterzentrum Wasenhof
Free counter and web stats